Weblog
Wednesday, 03 June 2009
-
多謝妳!
師傅今個星期日突然要飛..收到邀請要頂師傅..加上好想同青姐一齊做Live..因為可以練到急才反應
結果要番學..泡湯!
Friday, 22 May 2009
-
http-equiv="Content-Type" content="text/html; charset=utf-8"> name="ProgId" content="Word.Document"> name="Generator" content="Microsoft Word 11"> name="Originator" content="Microsoft Word 11">
智「慧」中華---中國建材---天時、地利、人和!!!
投資者應當「量力而為」!!!
首先，謝謝Sabina一篇好有意思既偉哥歌，希望下次有機會為大家再獻唱呢D改篇金曲。講番股市，上星期建行配股之後，筆者以為會有成幾百億資金會流走港元體系，但港元結餘仍然穩定，熱錢何時會大量流走?God Knows!!!!但知道，呢一兩個月好多三四線股已經慢慢慢慢炒上來，最近期既焦點就係蒙古能源(276)，以筆者經驗，每次炒到呢D股，已經代表資金已經炒到冇野好炒，都已經接近升浪既尾聲，但借用誠哥尋日係股度大會上面講過，投資者應當「量力而為」!!!
中國建材---天時、地利、人和!!!
政府政策利好、低資金壓力!!!
自從溫爺爺宣佈四萬億人民幣經濟刺激計劃，各省政府都大力希望得到呢一份大蛋糕。先別談邊個首市可以分到最大份，但我地將焦點放係受惠行業，水泥業係其中一個受惠既行業之一。
中國建材雖則負債高，但本年年度完全沒有任何資金壓力，本年中國建材資本性開支(Capital Expenditure)為100億元人民幣，而其中80億人民幣亦來自本身現金流(Cash Flow)，相信中國建材在此時刻加大本身的資本性開支，將來盈利增長亦會更上一層樓!!!
環境要求嚴格、南方地利優勢
農村城鎮化急步進速，帶領不少水泥廠已經要淘汰，而好似中國建材呢D大型企業，相信同業開始退出市場，會更加強大佢係南方及整個中國的優勢。中建材現時產品銷售巿場主要集中在淮海及南方地區。相信如果管理層認為合時宜，下一步會挑戰北方市場，亦即是安徽海螺水泥既中國北方龍頭地位，但短期內可能性會減低，因為中國發改委講到，希望每間大型水泥企業可以負責特定區域既水泥巿場，但中國建材有佢既優勢，相信擴大北方市場，只是時間性問題。
水泥價格仍有上升空間，生產成本下降
中國建材上月指水泥價格如果每噸上升大約5%，佢今年首季盈利就上升3%-13%，另外水泥銷售量更升近72%。
而另一方面，生產水泥原料其中之一就係煤炭，而今年每噸煤炭價格下跌16%-26%，令生產成本降低。相信國內經濟穩定，水泥價格更加有潛在上升空間，而中國建材盈利可節節上升。
最後，雖則中國建材比低位已上升十倍有多，但行業前景秀麗，相信市場更加會為佢有一個重新，更高，更合理既價值。
Monday, 11 May 2009
-
http-equiv="Content-Type" content="text/html; charset=utf-8"> name="ProgId" content="Word.Document"> name="Generator" content="Microsoft Word 11"> name="Originator" content="Microsoft Word 11">
智「慧」中華---「恆指」升升升!!!，「熊仔」死死死!!!，「大戶」殺殺殺!!!
騰訊科技，下一目標，成為「紅底股」!!!
筆者首先同大家講聲唔好意思，因為之前要交一份關於Business Ethics論文，以及之後要準備畢業考試，所以已經闊別傑青博樂接近三個星期。但每日亦特別留意騰訊科技(700)表現，上星期已多次創出75蚊既上市新高，比上次寫Blog時，已有超過15蚊升幅，實在令筆者非常意外，相信騰訊表現亦可繼續維持強勢，不難成為「紅底股」，只係時間上的問題而已!
恆指大升市?牛一重現，巨熊已死?還是西人熱錢資金流入，又搶香港小股民血汗錢?
特別懷念呢三個星期的大升市，正如Sabina姐姐首「熊屍街」，相信作為做淡既投資者，每日面對一堆又一堆既熊屍，胡亂再做淡，好容易會成為大戶的點心。
筆者昨晚(星期日)更與一位已有多年經驗投資者傾淡，雖然任總已經開晒聲話俾投資者股市仍有風險，所以恆指短期回落，相信累積升幅而帶來的調整幅度，相信唔係好多投資者可以承受到!
裂口看恆指短期上升動力? 下跌幅度可以幾深?
恆指仍一個上年十月頭遺留下來的下跌裂口尚未回補，顯然今次大市升幅，最大機會會補回這個十月三日及十月八日的下跌裂口，介乎17,242點至17,682點，之後會有一個較深的調整，因為由本年三月十二日，恆指已遺下不小的下跌裂口，最深一個，包括由11,747至11,849點(三月十日至三月十二日)，即是話，如果恆指有一個較深調整，跌幅可跌至11,747點。
所以，筆者想提提買貨投資者，貨可以買，股可以炒，但係你自己有「吉屎」咪再去賺多幾百點囉，因為我最唔鐘意阻人發達。冇「吉屎」既話，等恆指跌到咁上下，跌到補番裂口位，就買下盈富基金(2800)，買下你D愛股，又或者你就安安定定聽下新城財經台，睇下財經網多煤體頻道節目就算啦!
中國建材大升十倍之迷?
下一次，筆者會講講一隻個股，亦係我愛股之一，中國建材(3323)，睇睇佢有咩因素可以由十月中至今，有超過十倍的升幅?
Monday, 20 April 2009
-
http-equiv="Content-Type" content="text/html; charset=utf-8"> name="ProgId" content="Word.Document"> name="Generator" content="Microsoft Word 11"> name="Originator" content="Microsoft Word 11">
智「慧」中華－－騰訊跑贏大市之謎??? (下)
中國證監會係3月31日公布左內地創業板既上市條件、發行程序、訊息披露及監管同埋法律責任安排，以及5月1日將會實施創業版。受香港創業版歷史洗禮既投資者會問，內地都有自己創業版，會唔會好似以前2000年香港咁，一上市既中國創業版股份會「大炒、特炒、勁炒、爆炒」一輪?我唔知，不過我承應中國人既心態係愛賭，到時可能每隻內地創業板股票日日都會表現「神舟」升空，每間創業版公司CEO都可能會學太空人一樣，同各大傳煤/投資者講句「感覺良好!!!」到時你咪話D投資者又驚死執輸，搶住入貨都唔出奇!
我讀樹仁，教Financial Management既Miss講過，內地一般中小企業係點樣集資?佢地都係靠銀行「泵水」俾佢地，你都唸到，靠銀行「泵水」，息口自然就高啦!但創業板成立後，相信內地一般中小企業都可以利用呢一個渠道係市場入面「發股票、抽下水」啦!
騰訊旗下都有唔同類型業務，當騰訊將業務分拆在內地創業版上市，相信騰訊本身股份估值亦會提升，到時相信亦會有一輪炒作出現。
業務集中，高速增長 (續)
「互聯網增值服務」
上次講左騰訊「即時通信平台」既業務，今次同大家先睇睇「互聯網增值服務」!呢個業務亦係2008年增長強勁，業務收入比2007年增加97.7%，而收費互聯網增值服務註冊用戶為3,140萬戶。未來騰訊係產品開發方面，都會迎合高端客戶，例如會透過投資財經頻道、發展電子商務，得到更多愈來愈成熟的客戶群體，提高呢一方面既可持續盈利。
「移動及電信增值服務」
國家四萬億救市方案之中，國家不斷加大信息高速公路等基礎設施建設，相信可以令互聯網有一個發展新空間同埋新方向。而國內第三代移動通信發牌，亦逼騰訊係移動及電信增值服務做得更好，產品更有質素。
「網絡廣告業務」
2008年第四季，騰訊係網絡廣告業務雖然出現下跌，雖然金融海嘯影響，但呢一方面對集團收入影響有限。不過主席亦承認，呢一方面業務對佢地影響較細，佢地會以用戶既小額消費為基礎既娛樂產品為佢地盈利來源。
基金持股動向
大股東之一: Advance Data Services Limited 減持情況
公司董事: 劉熾平減持情況
雖然Advance Data Services Limited、劉熾平同埋馬主席都有減持既情況，但減持價仍然是低於現水平股價，顯視一般機構投資者仍然對公司前景有信心。
而馬主席早前更透露，佢身家有九成係騰訊股票，沽下出黎，做其他投資，減低風險都係正常既!
所以投資者真的不要驚奇點解馬主席都會減持700既股票!
Thursday, 16 April 2009
-
智「慧」中華 --- 騰訊跑贏大市之謎??? (上二)
金融海嘯下的生還者
上集講到騰訊呢個價位，已經等於接近恆指29,000的價值。意思係話，你若係恆指29,000點果陣買騰訊，而家已經番晒本了。其實，係金融海嘯下，不少行業都受到一定程度衝擊。當中一定包括「百業之母」銀行業，以及受經濟週期影響既「商品、資源、航運股」!當中呢D Sector既藍籌股好多都係番唔到恆指係29,000點既價位! 究竟騰訊點解有咁大威力，可以係熊市投資環境下仲頂得住?
中國人大:「舉頭三尺有網民」
上個月中國人大會議都講過，「舉頭三尺有網民」，究竟中國既網民，有幾咁勁，潛力有幾咁好?
「根據中國互聯網絡信息中心的統計，於二零零八年年底，中國互聯網用戶總數達2.98億人，同比增長42%。按用戶人數計，雖然中國已超越美國成為全球最大 的互聯網市場，但至二零零八年年底其互聯網普及率僅為23%，遠遠低於發達市場，反映中國仍是一個有巨大未來增長潛力的新興市場。更重要的是，互聯網已日漸成為中國人民日常生活的一個不可缺少的組成部分，隨著寬帶及移動互聯網接入的日益普及和應用範圍的擴展，人們可以透過互聯網保持聯繫、進行娛樂、獲取信息及開展商業活動。」---引自騰訊科技2008年年報
呢3億人當中，其中66.7%的用戶年齡細於29歲、而當中35.2%為青少年用戶。相信長遠中國亙聯網持續性增長仍然會持續，另外根據Web2Asia最新公佈既內地社交網絡市場調查結果，Facebook連頭15名都入唔到，而Myspace係內地既用戶亦只有600萬個。但內地網絡公司就有壟斷性既地位，例如由騰訊開發既社交網QZone已擁有超過一億用戶，為公司零八年利潤貢獻良多。
所以大家唔好睇小中國網民增長，加上電腦下鄉政策，相信中國網民增長會再加速上升。
業務集中，高速增長
騰訊主要業務集中係幾方面，分別有即時通信平台、互聯網增值服務、移動及電信增值服務及網絡廣告業務。
「即時通信平台」
大家番到去大陸，你可能會同D同胞或者美女講，我可以同你/妳交換MSN嗎?佢地一定唔會知道MSN係乜東東?正因為佢地主要用既就係QQ做佢地既即時通信平台。我用過QQ，個平面真係好老套，但點解國內同胞會繼續用QQ?正正因為就係文化既問題，中國人既一種根深蒂固，始終係中國人出品，同埋呢個出品入面D功能亦係為中國網民而Talior-made，而公司董事長馬化騰，佢每一日都會將所有產品去作創新，令旗下產品每日都有不同改革及為用戶著想，所以每年QQ用戶既增長都有雙位數，相信洋鬼子既即時通信平台，例如MSN/Yahoo Messenger，仍然要等一排時間，除非當中入面D功能又為中國人而設啦!否則，騰訊係呢一方面既優勢仍然會持續。
先講住騰訊係即時通信平台方面既優勢，下一期，亦即係騰訊跑贏大市之謎???最後一期，我會再同大家探討騰訊係互聯網增值服務、移動及電信增值服務及網絡廣告業務，以及基金增持動向!!!
Chatboard (2)